महिला व बाल कल्याण

विभागीय विषयी माहिती – स्वरुप

परिचय –

महिला व बाल कल्याण विभाग हा सांगली जिल्हा परिषदेमधील एक विभाग आहे. महिला व बाल कल्याण विकासाशी संबंधित विविध कार्यक्रम व योजना राबविण्यासाठी जिल्हा परिषदेमध्ये महिला व बाल कल्याण समितीची स्थापना करण्यात आलेली आहे (सद्यस्थ‍ितीत प्रशासक तथा मुख्य कार्यकारी अधिकारी यांना सर्वाधिकार आहेत. सदर विभाग हा जिल्हा कार्याक्रम अधिकारी तथा उपमुख्य कार्यकारी अधिकारी (बाक) व सभापती महिला व बाल कल्याण समिती यांचे मार्फत शासन निर्णयानुसार महिला व मुलींना सक्षम करणेसाठी जिल्हा परिषदेमध्ये 10 टक्के निधीतून व शासकिय अनुदानातून प्रशिक्षण व सक्षमिकरणाच्या योजना तसेच वैयक्तीक योजना महिला व मुलींसाठी राबविल्या जातात.

दृष्टीकोन आणि उद्दीष्टे –

सांगली जिल्हयातील ग्रामीण भागांत आर्थिक दृष्टया मागास, गरीब, गरजू, दारिद्र रेषेखालील व सर्व क्षेत्रातील महिला व मुलींचा विकास व सक्षमीकरण करणे.

उद्दीष्टे आणि कार्ये –

महिला व बाल विकास विभागामार्फत जिल्हा परिषद उत्पन्नाचे 10 टक्के सेस निधीतून विविध कार्यक्रम व योजना सक्षमपणे राबविण्याचा शासनाने निर्णय घेतला आहे. हा लाभ ग्रामीण भागातील गोर, गरीब, गरजू, दारिद्र रेषेखालील महिला व मुलींपर्यत पोहचविणेचे काम केले जाते. सर्व क्षेत्रात महिला व मुलींचा विकास व सक्षमीकरण व्हावे. तसेच पोषण व आरोग्य विषयक दर्जा सुधारावा, स्वच्छता प्रजनन व लैगिक आरोग्य, आणि कुटुंब व बालकांची काळजी घेणे या विषयीची जाणीव व जागृत्ती निर्माण व्हावी. कार्यक्रम व योजनातून मार्गदर्शन केले जाते. महिला व मुलींमध्ये आत्मविश्वास वाढावा.विविध कायदेविषयक तरतूदींची माहिती मिळावी म्हणून प्रशिक्षण शाळा आयोजित केल्या जातात यासाठीची खर्चाची मर्यादा महिला व बाल विकास समिती निश्चित करते.हे या विभागाचे प्रमुख उदिदष्य आहे.